IND vs ENG T20I Series: ఇంగ్లండ్‌ను భయపెడుతోన్న కెప్టెన్ రోహిత్ రికార్డులు.. అవేంటంటే?

IND vs ENG T20I Series: ఇంగ్లాండ్ పర్యటనలో కరోనాతో పోరాడి ఓడించిన రోహిత్ శర్మ.. ప్రస్తుతం పూర్తిగా ఫిట్‌గా తయారయ్యాడు. రోహిత్ కెప్టెన్సీలో భారత జట్టు మూడు మ్యాచ్‌ల టీ20 సిరీస్ ఆడాల్సి ఉంది. ఈ సిరీస్‌లో తొలి మ్యాచ్ సౌతాంప్టన్ వేదికగా నేడు (జులై 7) జరగనుంది. కెప్టెన్‌గా రోహిత్ శర్మకు ఇదే తొలి ఓవర్సీస్ సిరీస్. గత ఏడాది చివర్లో జరిగిన టీ20 ప్రపంచకప్ తర్వాత విరాట్ కోహ్లీ టీ20 ఫార్మాట్ కెప్టెన్సీ నుంచి తప్పుకున్న సంగతి తెలిసిందే. దీని తర్వాత బీసీసీఐ వన్డే కెప్టెన్సీని తొలగించి, రెండు ఫార్మాట్ల కమాండ్‌ను రోహిత్‌కి అప్పగించింది.

అన్ని సిరీస్‌లను క్లీన్ స్వీప్ చేసిన రోహిత్ సేన..

విరాట్ కోహ్లీ ఈ ఏడాది ప్రారంభంలో అంటే 2022లో టెస్టు కెప్టెన్సీ నుంచి తప్పుకున్నాడు. దీంతో బీసీసీఐ ఈ ఫార్మాట్‌ను రోహిత్ శర్మకు అప్పగించింది. ఇలాంటి పరిస్థితుల్లో రోహిత్‌కు మూడు ఫార్మాట్లలో పూర్తిస్థాయి కెప్టెన్సీ లభించింది. ఈ విధంగా పూర్తి స్థాయి కెప్టెన్‌గా రోహిత్ శర్మకు విదేశాల్లో ఇదే తొలి సిరీస్. అందులో విజయం సాధించి ఖాతా తెరవాలని రోహిత్ భావిస్తున్నాడు.

రోహిత్ శర్మ పూర్తి స్థాయి కెప్టెన్‌గా 5 సిరీస్‌లు మాత్రమే ఆడాడు. వాటన్నింటినీ క్లీన్ స్వీప్‌తో గెలుచుకున్నాడు. రోహిత్ సారథ్యంలో టీమిండియా న్యూజిలాండ్, వెస్టిండీస్, శ్రీలంక జట్లపై టీ20 సిరీస్‌లను క్లీన్ స్వీప్ చేసింది. వన్డేల్లో వెస్టిండీస్‌, టెస్టుల్లో శ్రీలంక క్లీన్‌స్వీప్‌ బారిన పడ్డాయి. మరి ఈ క్లీన్ స్వీప్ రికార్డును రోహిత్ నిలబెట్టుకుంటాడా లేక ఇంగ్లండ్ జట్టు అతని రికార్డును బద్దలు కొడుతుందా అనేది చూడాలి.

రోహిత్ సారథ్యంలో భారత్ స్వదేశంలో ఆడిన సిరీస్‌లు..

టీ20 సిరీస్‌లో న్యూజిలాండ్‌పై 3-0 క్లీన్ స్వీప్ (నవంబర్ 2021)

వన్డే సిరీస్‌లో వెస్టిండీస్‌పై 3-0 క్లీన్ స్వీప్ (ఫిబ్రవరి 2022)

టీ20 సిరీస్‌లో వెస్టిండీస్ 3-0తో క్లీన్ స్వీప్ (ఫిబ్రవరి 2022)

టీ20 సిరీస్‌లో శ్రీలంక 3-0 క్లీన్ స్వీప్ (ఫిబ్రవరి 2022)

టెస్ట్ సిరీస్‌లో శ్రీలంకపై 2-0 క్లీన్ స్వీప్ (మార్చి 2022)

రోహిత్ కెప్టెన్సీలో ఒకే ఒక్క సిరీస్‌ మిస్..

రోహిత్ శర్మ ఇప్పటి వరకు మూడు ఫార్మాట్ల (టెస్ట్, వన్డే, టీ20)తో కలిపి మొత్తం 13 ద్వైపాక్షిక సిరీస్‌లకు కెప్టెన్‌గా వ్యవహరించాడు. ఇందులో రోహిత్ సారథ్యంలో న్యూజిలాండ్‌తో జరిగిన సిరీస్‌లో భారత జట్టు ఒక్కసారి మాత్రమే ఓడిపోగా, 12 సిరీస్‌లలో టీమిండియా ఛాంపియన్‌గా నిలిచింది. రోహిత్‌ ఈ రికార్డు ఇంగ్లండ్‌కు భయంకరంగా మారనుంది.

తొలి టీ20 మ్యాచ్‌కి భారత జట్టు..

రోహిత్ శర్మ (కెప్టెన్), ఇషాన్ కిషన్, రీతురాజ్ గైక్వాడ్, సంజు శాంసన్, సూర్యకుమార్ యాదవ్, దీపక్ హుడా, రాహుల్ త్రిపాఠి, దినేష్ కార్తీక్, హార్దిక్ పాండ్యా, వెంకటేష్ అయ్యర్, యుజ్వేంద్ర చాహల్, అక్షర్ పటేల్, రవి బిష్ణోయ్, భువనేశ్వర్ కుమార్, హర్షల్ పటేల్, అవేశ్ ఖాన్, అర్ష్దీప్ సింగ్, ఉమ్రాన్ మాలిక్.

2వ-3వ టీ20 మ్యాచ్‌లకి భారత జట్టు..

రోహిత్ శర్మ (కెప్టెన్), విరాట్ కోహ్లీ, జస్ప్రీత్ బుమ్రా, ఇషాన్ కిషన్, సూర్యకుమార్ యాదవ్, దీపక్ హుడా, శ్రేయాస్ అయ్యర్, దినేష్ కార్తీక్, రిషబ్ పంత్, హార్దిక్ పాండ్యా, రవీంద్ర జడేజా, యుజ్వేంద్ర చాహల్, అక్షర్ పటేల్, రవి బిష్ణోయ్, భువనేశ్వర్, భువనేశ్వర్, హర్షల్ పటేల్, ఉమ్రాన్ మాలిక్.